يابنت قلبي بالهوا مولعن فيك
وحبّك بنى بالقلب قصر وعماره
جاهل وتلعبّي واناقول وشفيك
وتسقيني من حبّك بكاس المراره
تغضي بعينك ثم تشّر بياديك
جمعت خفّت دم معها عياره
ان كان ماجيتي فنا لازم اجيك
هذا جواب القلب وهذا قراره
انتي هوا بالي وبالحب شاريك
وانتي قمر عمري ادور بمداره
لو دلّهوني عنك مانيب ناسيك
اموت لامنّي سمعت اسم ساره
مالك شبيهن بالخلايق يساويك
حتّى القمر لابنت غيّر مساره
ياحظ منهو حط ايدينه بياديك
وياحظ منهو صرتي عنده بداره
يابنت خوفي بي من اللي مسوّيك
اللي جعل للخلق جنّه وناره
مانيب طمّاعن ولانيب موذيك
ولانيب انا يابنت راعي دشاره
ابيك تسمحلي اجيلك واراعيك
عساي لاشفتك تخف الحراره
اللي بلاني فيك عساه يبليك
وتصير في يدّي سواة السّواره
وسلامتكم